Honey Hillseko biztanleak Hiriaren Egunerako prestatzen ari dira, orduan erakusten baita Urrezko Erlauntza mitikoa, lekuko zortearen kutuna. Baina festa baino lehenago, erlikia desagertu egingo da, eta denek Chirpiri botako diote errua, Sofie detektibearen laguntzaile gisa lan egiten duen urtxintxa urduriari. Bere lagunekin batera, Chirpek misterioa argitu beharko du, benetako lapurra aurkitu eta haranera bakea itzuli arte.

Maitagarrien ipuinen erresuma batean, txabola txiki batean, urmael baten ondoan, Baba Yaga sorgina bizi da, bere katu asmatzailearekin eta iratxo alai batzuekin batera. Yaga bere botere magikoak hobetzen saiatuko da, baina profesional batek bezala araoak egiteko bere sorgin-liburua behar du, duela urte asko Belladonna azti gaiztoak lapurtutakoa. Egun batean, Safir printzesaren ustekabeko bisita batek bere etsaiaz mendekatzeko aukera emango dio Yagari.

Lurretik kanpoko substantzia batek Zoeren ADNa bere maskota exotikoenarekin nahasten duenean, abentura oso dibertigarri bat hasten da: gizakiak animalizatu egiten dira, animaliak humanizatu, eta denek elkar adostu behar dute mundua salbatzeko.

Araba lehen alaba Arabako koadrilen testuinguruan kokatutako dokumentala da, Arabako errealitate ezberdinetara hurbilduz, euskara lurraldera berriz ekarri zuen belaunaldiari ahotsa emanez. Araba, euskarari dagokionez, historikoki baztertuena izan da eta euskal kulturaren alde behar adina borrokatu ez zuen lurraldetzat hartu da. Hala ere, dokumental honen bidez, probintziara hainbat ahots eta ikuspegitatik hurbiltzera gonbidatzen gaitu, Arabako lurraren memoria materiala eta immateriala ulertuz eta bere garaian galdu zena, euskara eta bere kosmologia, berreskuratzeko etengabeko ahalegina goraipatuz. Borroka hori duela hiru belaunaldi hasi zen, eta gaur egun bizirik jarraitzen du. Kontakizuna zazpi pertsonak osatzen dute eta, horri esker, ibilbide historiko zabala, anitza eta beharrezkoa dugu ingurunean kokatzeko. Bere lekukotasunen bidez, Añana, Aiara, Arabako Mendialdea, Gorbeialdea, Arabako Errioxa eta Gasteiz ezagutuko ditugu, lurralde hauetan euskal kulturaren eta euskararen alde egin den lan handia ikusarazteko eta memoria biltzeko beharra azpimarratuz. Trilogiaren lehen atal honetan, Mikelek eta Arianak Trebiñuko Konderria erreserbatu dute Arabako kulturaren, koadrilen eta bertako jendearen ibilbide honetako hurrengo proiektu gisa.

Urteko dukumentala, Oscar saria irabazi duena. Palestinako gatazkaren inguruan erresistentzia sortzaileko ekintza bat. Unerik txarrena bizi duen gatazka historiko batean sakontzen du, geruzak, gizatasuna eta une honetan izan daitekeen itxaropen guztia biltzen dituen film batean.

Basel Adra, Zisjordaniako ekintzaile palestinar gaztea, haurtzarotik ari da Israelgo agintariek bere komunitatea masiboki kanporatzearen aurka borrokan. Israelek bere herria kamera geldoan nola erauzten duen dokumentatzen du, pixkanaka etxeak eraitsi eta bertako biztanleak kanporatuz. Halako batean Yuval kazetari israeldarra ezagutuko du, bere ahaleginetan lagunduko diona.

Akelarre musika taldea 70. hamarkadan sortu zen plaza taldea da. Euskara hutsezko errepertorioaren alde egiten lehenengotarikoak izan ziren eta euren rock abestiak, ingelesezko taldeen euskarazko bertsioekin nahasten zituzten. Euskal Herriko plaza gehienetan jo eta 16 disko atera ondoren, 2005. urtean utzi zuten eta ondoren beste bi bira egin dituzte. Orain, azken diskoa atera eta 20 urte geroago, euren ibilbideko errepasoa egingo duen dokumental batekin itzuliko dira.

Vital Fundazioak eta Kutxabankek film dokumental ikusgarria egin dute ‘Bihotza, Arabako bizitza inoiz ikusi ez duzun bezala’ izenburupean.

Profesional talde zabal batek, 3 urtetan zehar, osorik Araban grabatua. 15 pilula laburren bidez, gure Lurraldeak duen ingurumen aberastasun izugarria erakutsiko digu zintak, Iberiar penintsulako biodibertsitate indize handiena eta Europako altuenetakoa baitu. 45 minututan, Araban bizi diren bizi-formen aniztasuna eta zabaltasuna ikus daiteke, baita animalia- eta landare-bizitzaren edertasuna ere. Irudiek publikoa harrituko duen kalitatea dute: basoak, uretako bizitza, marrualdia, urtaroak eta arrano beltzak dira ikusgai dituen edukietako batzuk.

Sorgin ehiza betean, Kattalin, senarrarengandik ihesi, bere baserritik aterako da gauaren erdian. Baso beltzean galduko da eta bere atzetik segika duen presentzia bat sentituko du. Ihesean dabilela hiru emakume maitagarrirekin topo egingo du. Hauek, arropa garbitu bitartean, beldurrezko ipuinak eta herriko esamesak partekatzen dituzte. Kattalinen harridurarako, bera izango da istorio horien protagonista. (zinea.eus)

Bikotearekin hautsi ondoren, Vicente (76) gustuko duen bizimodua egiten hasten da Maspalomasen: eguzkia, parranda eta gozamena dira bere eguneroko jardunak. Baina istripu batek Donostiara itzultzera behartuko du eta han aspaldi abandonatu zuen alabarekin elkartu beharko da. Vicentek zahar-etxe batean bizi beharko du eta bertan armairura itzultzera bultzatua sentituko da, konpondutzat zuen bere buruaren alde bat ezkutatuz. Egoera berri horretan, galdera bat nagusituko da: izango al du Vicentek aukera besteekin, eta bere buruarekin, bakeak egiteko?

Garai bateko zuri-beltzezko argazkietan izoztua gelditu den abeslari gaztea. Kapsulatua. Enkuadre baten barruan harrapatua, haren ahotsa diskoetan bezala. Ahaztuta, nonbait, ikuspuntua hautatu egiten dela. Ahaztuta, abeslaria izateaz gain, euskal kulturaren transmisioan ezinbesteko erreferentea ere badela Lurdes Iriondo. Transmisioarentzat haurrak ezinbesteko zirela ulertu zuen, eta haientzat idatzi zituen liburuak eta antzerkiak.

Frida Kahlo neskato bakarti eta grinatsuaren istorioa da hau. Coyoacán koloretsu eta zirraragarrian hazi da, Mexikon, eta bere jakingurak ez du mugarik. Inguruan duen guztian aurkitzen du inspirazioa; naturan edo artean, adibidez. Bizitzak zailtasunak dakarzkionean, Fridak irudimen ikaragarriarekin egiten die aurre, eta mina sormen bihurtzen du.

Zikoina bidaiaria baserrian agertzen den egunean, Ama Muk bere buruari galdetzen dio zer esan nahi duen benetan 'etxe' hitzak. Nola egon daiteke ziur bizi den belardia eta landetxea bere etxea direla? Eta mundu handi horretako beste lekuren batean bizitzeko leku hoberik balego? Beleari kosta egiten zaio lagunari erakustea bizitzeko leku aproposena ez duela zertan kanpoan topatuko.

Gerra Hotzaren hasiera, Viena, 1947. Holly Martins iparramerikarra Mendebaldeko eleberrigile kaskar bat da. Austriako hiriburura iristen da, hiria lau eremutan banatuta eta II. Mundu Gerrako estatu aliatuek okupatuta dagoen garaian. Hollyk haurtzaroko lagun bat bisitatuko du, Harry Lime, zeinak lana lortuko diola agindu baitio.

New York... Gangster desitxuratu misteriotsu batek Alex zauritzen du, bere atzetik segika dabilen polizia inspektorea. Ospitalean inmobilizatuta dagoela, Alex Leoren laguna egiten da, 11 urteko mutiko bat, zeinak bere gorputz barrutik irteteko gaitasuna duen. Mamu guztiak bezala, ikusezina beste pertsona guztientzat, hegan egiten du eta hormak zeharka ditzake. Aurpegia hautsita duen gizonak, hiria mehatxatuko du birus informatiko batekin. Mutikoaren ahalmen izugarriei esker Alexek ikertzen jarrai dezake

Eguzkierri herri txiki zoragarria da, eta bertan bi lagun handi bizi dira: Sebastian elefantea eta Mitxi katemea. Azkenaldian, ordea, Sebastian, Mitxi eta ia beste herritar guztiak oso atsekabetuta daude, beren alkate maitea, Jeronimo Braulio Seberin Olsen -eurek maitekiro “JB” esaten diotena- desagertu egin baita. Eta JB ez dagoenez, Txist alkateordeak agintea hartu du. Haren jokabide makurrak herria goibeldu egin du, eta JB agertu ezean Txist haren karguaz betiko jabetuko da.