Vincent umezurtz geratutako balea konkordun gaztea da. Ozeanoak bere kantu magikoaz babesten zituen azken Balea-kantariaren semea izanik, gurasoak galtzeak eragindako oinazea jasaten du, eta bere gaitasunetan zalantzak ditu. Leviathan munstroa iceberg ilun batetik ihes egin eta itsasoko bizitza guztia bere tinta pozoitsuarekin mehatxatzen hasten denean, Vincentek hura geldiarazteko bere kantu propioa aurkitu behar du. Hala ere, ziurgabetasunak gaindituta, itsaso sakonean barrena bidaia arriskutsu bati ekiten dio, gurasoak Izarren Putzu mitikotik erreskatatzeko asmoz; izan ere, aitak Leviathana garaituko duela espero du. Walter —zaintzaile lanak egiten dituen erremora arrain zorrotza— eta Darya —orka gor-mutu ausarta— lagun dituela, Vincentek beldurrei aurre egin eta bere kantu propioa aurkitu beharko du ozeanoak salbatzeko.

Phil nerabea ez dago bere bizitzako unerik onenean. Ikaskideek barre egiten diote, gustuko duen neskak ez dio jaramonik egiten, eta albaitari izan nahi du, baina Dino familiaren tradizioak paleontologoa izatea eskatzen du. Baina dena aldatuko da ustekabean Mesozoikora eramango duen atari bat irekitzen duenean. Orain, arriskuz betetako historiaurreko oihan batean bizitzen ikasi beharko du, eta dinosauro gosetien janari bihurtzea saihestu. Batez ere, aitarekin elkar ulertzeko modua aurkitu beharko du hondamendi bat saihesteko. Izan ere, Titanoboak, belaunaldiz belaunaldi Dino familia gorrotatzen duen historiaurreko suge erraldoiak, akabatu nahi ditu.

Zoo-an egiten duen lana salbatzeko, Davidek misio arriskutsu bat onartzen du: Hego Amerikan pakete misteriotsu bat berreskuratzea. Enkarguak gurutzaontzi batera eraman du, eta hara joan da bere bikotekide ohiarekin, semearekin eta Stéphane lagun baldarrarekin. Dena deskontrolatzen da Stephanek istripuz paketea irekitzen duenean eta bidaia erabateko kaos bihurtuko duen marsupilami haurtxo maitagarri bat askatzen duenean. Davidek eta bere familiak inoiz baino elkartuago egon beharko dute berreskuratzeko.

Ozeanoaren bihotzean, uharte sekretu batean, itsas sugeen komunitate bat bizi da. Erdi itsas munstroa eta erdi dragoia den osaba Ludoviken ke magikoak, irla babesten du. Bertan, Rufus gaztea bizi da; honek nahiago du bakarrik egon, ez delako oso ongi egokitzen, batez ere, igeri egiten ez dakielako. Hondamendi bat gertatzen denean eta osaba Ludovikek uhartea babesteko dituen botereak galtzen dituenean, Rufusi dagokio funtsezko papera jokatzea eta bere familia salbatzea. Baina gainditu ahal izango du bere beldurrik handiena?

Ekaitz ikaragarri batek etxea suntsitu ondoren, Laura, nagi azkar eta ausarta, bere familia xelebrearekin batera hirira joango da bizitzera. Beren food truck zahar eta herdoilduarekin iritsiko dira, amets bakarrarekin: familiaren janari-negozioak azkenean arrakasta izatea.Haiek prestatzen duten janari goxoak Dottiren arreta piztuko du. Gepardo argi honek edozer gauza egingo du bere janari lasterreko negozioa berriro martxan jartzeko.

Lauri 12 urteko mutikoa istripu batean ibiltzeko gaitasuna galtzen du. Zorionez, Fleak, beste dimentsio bateko izaki iletsua, agertzen da eta Lauri fantasiazko abentura bat bizitzera eramaten du, non berriro ibiltzeko modua aurkitzen duen. Trukean, bere itzalak sortutako munstro irensle bat geldiarazi behar du.

Tafiti, surikata gazte bat, Bristles basurdearekin topo egiten duenean badaki ezin direla lagunak izan. Baina Bristles arrano batek erasotzen duenean, Tafiti da hura salbatzera korrika doana. Lagun baten bila etsi-etsian, basurde dibertigarria Tafitiren etxeraino joaten da haren atzetik, eta nahi gabe zoritxarreko istripu bat eragiten du: Tafitiren aitona suge pozoitsu hilgarri batek hozka egiten du. Basamortuko lore mitiko batek bakarrik salba dezake. Tafitik bidaia arriskutsu bati ekingo dio lorea aurkitzeko, bakarrik egin behar duela sinetsita.

Honey Hillseko biztanleak Hiriaren Egunerako prestatzen ari dira, orduan erakusten baita Urrezko Erlauntza mitikoa, lekuko zortearen kutuna. Baina festa baino lehenago, erlikia desagertu egingo da, eta denek Chirpiri botako diote errua, Sofie detektibearen laguntzaile gisa lan egiten duen urtxintxa urduriari. Bere lagunekin batera, Chirpek misterioa argitu beharko du, benetako lapurra aurkitu eta haranera bakea itzuli arte.