Hiru iratxok ametsen ontzi batean bidaiatzen dute Euskal Herriko zeruan zehar. Ontziak periskopio alderantzikatua du, zerutik lurrera begiratzen duena. Noski, Baizera eta Auskalo dira Ameslarien Banda eta haurren ametsak 24 orduz kontrolatzen dituzte. Amets kaltetuak konpontzeko altxorren kutxa erabiliko du tripulazioak. Amets-ontziak hondatutako amets bat harrapatzen duenean, alarma entzuten da. Iratxoek ontziko pantailari begiratzen diote ametsa nolakoa den ikusteko, eta umeen hodei-ohetara jaisten dira dena konpontzera.