Ezki, iratxo bidaiaria, munduan zehar ibili da hamaika kultura eta herrialdetako kondairak zein jakituria jasotzen. Orain, baso magikora itzulita, gauero kontu-kontari aritzen da sutondoan, ikasitakoa iratxokumeekin partekatuz. Antzinako kondairak entretenigarriak eta dibertigarriak izateaz gain, iratxo zein gizaki txikiei balio unibertsalak irakasten dizkie, beraien gatazkak eta kezkak gainditzeko giltza izan dezaten.