Alabaren hilketa oraindik argitu ez dutelako haserre dago Mildred, eta herriko poliziak ditu jomugan. Frances McDormand aktoreak antzezturiko pertsonaia hori da protagonista: polizia harroputzei, apaiz hipokritei eta senar-ohi maltratatzaileei aurre egiten dien emakume indartsu eta borrokalaria. Borroka da, azken finean, bere barruko min eta sufrimenduei zentzua ematen diena. Borrokaren sinboloa: berri herrirako bidean, errepidean kontratatzen dituen hiru publizitate kartel salatzaileak.