1977ko urriaren 16an Beasaingo herriak deialdi egin zuen 'Kilometroak' izeneko ekitaldian parte hartzeko. Josu Erguin sortzaile eta bultzatzaileak ospakizun honen aldeko apustua egin zuen ikastolentzako finantziazio iturri gisa. Lehen urte hartan ibilbidea sei kilometrokoa zen eta erakunde askok diru kopuru handiak ordaindu zituzten egindako kilometroengatik. 15000 pertsona inguruk parte hartu zuten, eta horien artean azpimarratzekoak dira euskal kulturako pertsonak, Jose Miguel Barandiaran edo Mikel Laboa, besteak beste.