Garai guztietako zinema-erromantzerik handiena. Chow, tokiko egunkari bateko erredaktore burua, beste pisu batera joango da bizitzera emaztearekin. Han Li-zhen ezagutuko du, bere senarrarekin eraikin berean kokatu berri den neska gaztea. Esportazio-enpresa bateko idazkaria da eta senarra negozio-bidaian dabil etengabe. Chowren emaztea ere ia beti etxetik kanpo egoten denez, Li-zhen eta Chowk gero eta denbora gehiago emango dute elkarrekin eta oso lagun egingo dira. Egun batean, haien bikotekideei buruz ustekabeko zerbait aurkituko dute biek.