I. J. Palacioren eleberrian oinarritua dago, ostera, Steve Chbosky zinegileak zuzendutako Wonder drama. 2015eko Room txundigarrian lan egin zuen Jacob Tremlbay aktore gazteak Auggie izeneko hamar urteko mutikoaren papera antzeztuko du filmean. Oso txikia zenetik, 27 aldiz operatu behar izan dute, eta mutikoaren aurpegiak deformazioak izango ditu. Eskolara bidaliko dute aurrenekoz, eta ikastetxeko martxara egokitzea ez da erraza izango. Julia Roberts eta Owen Wilson aktore laudatuek mutikoaren gurasoen paperak egin dituzte.